【專欄】國民黨的投降中國之旅－回應鄭麗文主席訪中

文/陳月妙(台灣教授協會副會長，中正大學外文系前系主任教授退休)

1. 在野黨主席非民選政府不具台灣民意代表性: 2025.10.18 國民黨主席選舉投票率只有39.46%, 鄭麗文當選黨主席是50.154%，只得著65122張票，佇台灣現此時人口23270568人中，是極少數、是絕對少數的0.002578% 爾。鄭麗文當選後煞狂言講 : 「要讓台灣人都當驕傲的中國人。」阮欲講: 「失禮，阮是台灣人，絕對毋是中國人! 」欲做中國人，真簡單，台灣是民主的社會，請你家己搬去中國蹛，毋通來牽拖台灣人。法律上，在野黨主席私會敵國談和平協議，已經犯著叛國罪。

2. 國民黨訪中是投降之旅，不是和平之旅: 鄭麗文主席定義伊的中國之旅是和平之旅，鼓吹「和平才能躺平。」離譜至極！天下從來毋捌聽聞倒平會當得著和平。只有備戰強壯家己，才會當止戰，倒平就是束手就擒的投降。所以，這事實是投降之旅。
台灣人是和平的民族，只是充實國防守護台灣從來毋捌求戰。鄭主席應該做的是，趕緊請國民黨籍立委通過台灣1.25兆的軍購被，應該批判的是中國的侵略不放棄武統台灣，台海才會無和平。台灣中國只要互相尊重，中國只要停止軍機繞台、放棄武統台灣，台海即刻有和平，無須要假和平之名，事實是侵略台灣的 「和平框架」，實質上就是「侵略框架」。

3. 敬告鄭麗文主席，台灣是台灣，台灣是台灣人的台灣。中國國民黨佮中國共產黨要交流，是中國人的代誌。孫文佮台灣，一點關係都無，1945年以前的中華民國嘛佮台灣攏無關係。1949以後流亡台灣的中國人欲統一，就請回歸中國，恁絕對無權利挾持不相干無辜的第三者台灣與台灣人。

4. 敬告中國的習近平主席，台灣人絕對毋是華人，台灣人絕對毋是炎黃子孫，台灣人佮中國人絕非同文同種，台灣更加絕對不是中國的一部分。中國人毋通野蠻貪心，看著厝邊桌頂有好食物，就講厝邊彼家攏是恁兜的。按呢，食相傷歹看！

5. 台灣是世界的台灣，台灣是台灣人的台灣，台灣不是中華民國。提醒咱台灣人，中華民國並不是咱台灣人的國家，青天白日滿地紅的旗，嘛毋是咱台灣人的旗。依照1979.4.10生效今年47周年的台灣關係法，中華民國已經無存在矣，現在的民選民進黨政府是”台灣治理當局”。4月10號，美國眾議院外交委員會網站有貼出美國總統和賴清德總統仝框的相片，這是國際外交非常重大的宣示，表示美國和台灣外交關係已經明朗化，接近承認台灣是一個國家的程度。台灣人愛有信心，繼續勇敢前進，建立真正台灣人的國家–福爾摩沙台灣國。等待正確時機，大聲宣佈咱欲建國，插出咱的台灣旗，頂天立地佇地球上徛起來。